قولون يخلق من الشبه أربعين \"وسبحان ذي ما له شبيه\"

وحكومتنا تشبه إلى حد كبير جارنا

وجارنا هذا دائماً وابداً يدعو بالويل والثبور وعظائم الأمور , ودائماً \" مابش , مابش\"

مع انه مسجل بالشئون وبصدقات بيت هائل ويستلم صدقات من الحارة كله رغم انه موظف حكومي ومعه راتب

وإذا زرته عصراً وجدته يمضغ القات اليومي الذي لا يقل سعره عن ألف ريال وأمامه حبتين سفري وحبه شارك و باكت سجاره \" جالس مفتهن يشاهد قناة روتانا\"

وحكومتنا الرشيدة في اليمن السعيدة دائما\" مابش , ما بش \" ومعانا بترول وضرائب وقروض ومساعدات وصدقات وإعانات من الدول الشقيقة و الصديقة

ولا احد داري أين يجي هذا كله

ما بش , ما بش , والسيارات تُصرف و الفلل تُبنى , والمهرجانات تقام وهم ما بش , ما بش

ويخلق من الشبه تسعين