باسم يوسف يغرد بعيداً عن «ثلاجة» السيسي ويبشر بالعلمانية في مصر

قد يعجبك أيضا :

د الإعلامي المصري باسم يوسف عن موجة السخرية من خطابات رئيس الانقلاب عبدالفتاح السيسي المليئة بالسخرية وقصة الـ”تلاجة” التي ثارت في الأيام القليلة الماضية واتجه نحو “التبشير” بالعلمانية كحل للأوضاع في مصر.

وقال يوسف بمشاركة في حسابه على موقع فيسبوك: “بعيدا بقى عن ايفيهات الدولارو التلاجة و التطبيل و اللي بيحصل هنا بشكل يومي تعالوا نتكلم على اللي جاي يمكن الكلام عن العلمانية دلوقتي يعتبره البعض ترف في وسط ازمات سكر و اقتصاد و ارهاب و معتقلين”.

واعتبر يوسف أن أحد الأسباب المهمة للأزمة في مصر هي “الاستسلام للابتزاز باسم الدين و الوطنية وده نتاج لعقود طويلة من تقديس المادة دي بالرغم من استخدامها لقمع الحريات اللي الناس كانت بتنادي بيها”.

وأضاف “الدين دايما سلاح فعال لما القمع بالقوة العسكرية و البوليسية ما ينفعش وده أداة مهمة”.

وأضاف: “الابتزاز بالدين مكمل للابتزاز بحجة الامن القومي”.

وأشار يوسف إلى أن “الدين اللي الاسلاميين فرحوا بيه و هما بيستخدموه عشان يكسبوا الاستفتاء و بعدين يوصلوا للسلطة باسم ربنا هو هو نفس الدين اللي تم استخدامه عشان يتم التخلص منهم و استحلال دمهم من شيوخ تبع السلطة”

واعتبر أن الحكم باسم “الدين أو الشريعة أو ربنا هو أخطر سلاح ضد الاسلاميين نفسهم بسبب النماذج السيئة و الرعب اللي الناس شافته من الحكم الديني”.

ورأى أن الإسلاميين “لو عايزين مصلحة بلادهم فعلا المفروض يبقوا اول ناس يتبنوا العلمانية و المساواة الكاملة بين افراد الدولة لان الناس كده حتعرف ان مش حيفرق مين حييجي في الحكم طالما فيه دستور قوي بيحمي الاقليات قبل الاغلبية وبالطريقة دي ماحدش حيحتاج البلطجي ابو دبابة ييجي يحميه من البلطجي ابو دقن”.

وقال يوسف: “طبعا كلمة العلمانية بتجيب ارتيكاريا لناس كتير و بتتحول في مخيلتهم لـ”حرب على الدين وانحلال وكفر والحاد وجنس جماعي في الشارع مليطة بشكل عام الخ”.

وأضاف: “ده على اساس ان الدول العلمانية الكافرة الناس ماشية فيها بلابيص على طول مثلا”.

عشان كده كنا بندلعها بكلمات لا مؤاخذة علقة زي “دولة مدنية، مدنية بمرجعية دينية، دولة قانون، دولة مواطنة” و دي كلها الفاظ مفرغة من مضمونها طالما انت حطيت احكام الهية من وجهة نظر دين او مذهب و بتدي ميزة لدين عن التاني، فمواطنة ايه بقى؟

وأشار يوسف إلى أن الغريب في الأمر أن “اللي حيتضايقوا من كلمة العلمانية دول هما او قياداتهم موجودين و عايشين و مبسوطين في دول علمانية كافرة منحلة و بيمارسوا دينهم بحرية من غير ما حد يضطهدهم ولو حصل فالنظام القضائي في البلاد العلمانية المنحلة دي في نهاية المطاف بينحاز للعلمانية الحقيقية و بيجيب حقه و اخرها موضوع البوركيني لما محكمة فرنسية لغت القرارات دي و انحازت للعلمانية فعلا”.

وأضاف: “العلمانية مش معناها ان المسلم ما يمارسش شعائره. ايوه كانت فيه تجربة سيـئة قام بيها اتاتورك بس ما تخليش دي عقدة لان دي مش علمانية ده قمع و ظلم و اضطهاد و سوء استخدام لمصطلح العلمانية”.

وختم يوسف مشاركته بالقول “المهم كفاية بقى علوقية بلا مواطنة بلا مدنية بلا بتاع اسمها فصل الدين عن الدولة اسمها ان الدولة مش شخص حقيقي الدولة مالهاش دين الدولة ما بتخشش في ترهات الهوية و الكلام الفارغ ده.. اسمها علمانية و العلمانية مش عيب”.

الخبر التالي : اللواء عسيري: «صالح» يطالب في جميع خطاباته بالتفاوض مع السعودية هربا من المحاسبة