يا مشترك ...اشركنا معاك
شكل المشترك حانب حنبه لايعلم بها الا الله وهم..كل يوم يقع بينهم ملاطيم ومداهفة مع المندوب السامي الاميركي وعادوا اليوم وصل امريكي ثاني يعاونه ..شكل الدنيا حامية الوطيس بينهم واخواننا في المشترك.
وعاد اخواننا في السعودية يحمًوها كل يوم زيادة.......طيارة رايحة وطيارة جاية...
الله يعينكم يا مشتركين بالمشترك.......إشركونا معكم....بانلاطم معكم....ولكن ما ننركنكمش...نحن ما نحناش مستعدين نتحمل ولو (تهراية) من واحد من هذول الكلاب....نحن ثوار ابناء ثوار...يعني لو واحد (هنجم علينا) با نعمله ثورة على راسه...هولاء مستعمرون جدد وما يخارجش معاهم ...سلمية ........سلمية.
باناخذ حقنا بايدينا ....وما بانقولش لقبائلنا االاشاوس يتمترسوا لهم....وما با نخطف لنا كام واحد منهم...نزيد كمان (نقرعهم) ونغديهم ونعشيهم...ولفوق البيعة..
الشباب ماتو جوع بالساحات...لجان النظام.. يتحققوا من عيون واسنان الشباب في الخيام..وكمان دقونهم...اللي ماهوش مربي دقن...الله معه...يموت جوع..واللي معه دقن..ياخذوا المقاس والشكل ويصوروه ويضعوه على جهاز كشف الدقن..ولو ما عجبهمش ينتعولو شعره..يكسرولو راسه.. ويكسروا يده...الله يكسر يدهم..
يامشترك...الله يعينك..اشركنا بما يدور...والله اننا معاكم...سنساعدكم تقاوموا هولاء المجرمين اللي نعرفهم تمام ..

نشتي نعرف ايش الاتفاقيات اللي عملها نظام علي صالح معاهم...وايش باع؟؟ ايش فتح؟؟ ايش قفل؟؟
قولوا لهم..نحن لا بنبيع ولا بنأجر..ولن نسمح لهم ولأمنهم القومي في ان يكون قاعدة متقدمة في أرض اليمن..ولا جزر اليمن..ولا مياه اليمن..ولا أجواء اليمن...وما تخافوش...إحنا معكم...في هذه الحالة ما بنسيرهاش مسيرات سلمية.....ولا بانفتح صدورنا العارية.....لاكننا سنسيرها كتائب ثوار...تحمل السلاح......ونقاتلهم حتى نخرجهم من ارضنا ومياهنا وجزرنا ودواويين السياسيين بصنعاء.
اما جيراننا...والله بانعملها ثورة في شبر من مملكتهم..عررررررر يحاولوا يجهضوا ثورتنا...
نحن ننتظر...لا تبيعوا الله يرضى عليكم..لانكم في هذه الحالة ستتبعوا على صالح واصحابه..